கடந்த ஜூலை மாதம் 23ஆம் திகதி கொழும்பு வார்ட் பிளேஸில் நிறுத்தி வைக்கப்பட்டிருந்த முச்சக்கர வண்டிக்குள் கூரிய ஆயுதங்களால் கத்தியால் குத்தி கொலை செய்யப்பட்ட சம்பவம் தொடர்பில் இரண்டு சந்தேக நபர்களை பொலிஸார் கைது செய்துள்ளனர்.கைது செய்யப்பட்ட போது, சந்தேகநபர்கள் 30 கிராம் 200 மில்லிகிராம் ஐஸ் போதைப்பொருளை வைத்திருந்தமை கண்டுபிடிக்கப்பட்டுள்ளது.நேற்று (26) கொழும்பு குற்றத்தடுப்பு பிரிவின் அதிகாரிகள் குழுவினால் கிராண்ட்பாஸ், சமகி மாவத்தையில் மேற்கொண்ட சோதனை நடவடிக்கையின் போது முச்சக்கரவண்டியில் பயணித்த இரு சந்தேக நபர்களும் கைது செய்யப்பட்டுள்ளனர்.சந்தேகநபர்கள் 35 மற்றும் 48 வயதுடைய கொனவில மற்றும் கிராண்ட்பாஸ் பிரதேசங்களை சேர்ந்தவர்கள் என பொலிஸார் தெரிவித்தனர்.கொலைக்கான காரணம் இதுவரை வெளியாகவில்லை என்பதுடன், சம்பவம் தொடர்பான மேலதிக விசாரணைகளை கொழும்பு குற்றத்தடுப்பு பிரிவினர் மேற்கொண்டு வருகின்றனர்.
