மிரிஹான பொலிஸ் பிரிவுக்குட்பட்ட பகுதியில் உள்ள வீடொன்றின் கதவை உடைத்து பெறுமதியான பொருட்களை திருடிச் சென்றதாக கூறப்படும் சந்தேக நபரொருவர் நுகேகொடை பொலிஸ் குற்றப் புலனாய்வு பிரிவினரால் நேற்று (22) கைது செய்யப்பட்டுள்ளார்.நுகேகொடை பொலிஸ் குற்றப் புலனாய்வு பிரிவினருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் மிரிஹான பகுதியில் கைது செய்யப்பட்டுள்ளார்.
கிருலப்பனை, கொழும்பு 05 பிரதேசத்தைச் சேர்ந்த 29 வயதுடைய நபரொருவரே கைது செய்யப்பட்டுள்ளார்.கைது செய்யப்பட்ட சந்தேக நபரிடமிருந்து 02 கிராம் 110 மில்லி கிராம் ஐஸ் போதைப்பொருள், திருடப்பட்டதாக கூறப்படும் தங்க ஆபரணங்கள் என்பன கைப்பற்றப்பட்டுள்ளன.இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக மிரிஹான பொலிஸ் நிலையத்தில் ஒப்படைக்கப்பட்டுள்ளார்.இது தொடர்பான மேலதிக விசாரணைகளில் மிரிஹான பொலிஸார் ஈடுபட்டு வருகின்றனர்.
