மோதரை, அளுத் மாவத்தை பகுதியில், கிரிஸ்டல் மெத்தம்பெட்டமைன் எனப்படும், ஒரு கிலோகிராம் அதிகமான ‘ஐஸ்’ போதைப்பொருளுடன் சந்தேகநபர் ஒருவர் பொலிஸாரால் கைது செய்யப்பட்டுள்ளார். விமானப்படை புலனாய்வு பிரிவினருக்கு கிடைத்த தகவலின் அடிப்படையில் கொழும்பு வடக்கு குற்றப்பிரிவின் குற்றத்தடுப்பு பிரிவினரால் மேற்கொள்ளப்பட்ட சுற்றிவளைப்பின் போதே இந்த போதைப்பொருள் கைப்பற்றப்பட்டதாக பொலிஸார் தெரிவித்தனர். கைது செய்யப்பட்ட போது, சந்தேகநபர் 01 கிலோ 76 கிராம் எடையுள்ள ‘ஐஸ்’ வைத்திருந்தார். கைது செய்யப்பட்ட சந்தேகநபர் 31 வயதுடைய மோதர அளுத் மாவத்தை பகுதியைச் சேர்ந்தவர் என அடையாளம் காணப்பட்டுள்ளதாக பொலிஸார் தெரிவித்தனர்.
