மாத்தறை – மிதிகம பகுதியில் மீன் விற்பனை நிலையமொன்றில் இன்று வியாழக்கிழமை (19) காலை இடம்பெற்ற துப்பாக்கிச் சூட்டில் ஒருவர் உயிரிழந்துள்ளதுடன், இருவர் காயமடைந்துள்ளதாக பொலிஸார் தெரிவித்தனர்.உயிரிழந்தவர் மீன் வியாபார நிலையமொன்றை நடத்தி வந்த 38 வயதுடைய நபர் ஆவார்.
மீன்களை வாங்குவதற்காக மீன் விற்பனை நிலையத்திற்கு வருகை தந்திருந்த இருவரே சம்பவத்தில் காயமடைந்துள்ளனர்.காயமடைந்த இருவரும் மாத்தறை வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் தெரிவித்தனர்.மீன் விற்பனை நிலையமொன்றிற்கு மோட்டார் சைக்கிளில் வருகை தந்திருந்த இனந்தெரியாத இருவர் இந்த துப்பாக்கிப் பிரயோகத்தை மேற்கொண்டு தப்பிச் சென்றுள்ளதாக பொலிஸார் தெரிவித்தனர்.வெளிநாட்டில் உள்ள பாதாள உலக கும்பலைச் சேர்ந்த நபரொருவரினால் இந்த துப்பாக்கிச் சூடு மேற்கொள்ளப்பட்டுள்ளதாக பொலிஸ் விசாரணையில் தெரியவந்துள்ளது.இது தொடர்பில் மிதிகம பொலிஸார் மேலதிக விசாரணைகளை மேற்கொண்டு வருகின்றனர்.
